قبل حقبه من الزمن
عاهدت والدي وكأنني طالب في خامس /ب
بإن لا أدعم المحفظه بريال
وأن أكتفي بالمبلغ الموجود بالمحفظه لتسلية
إدماني
ومضت بي السنين وأنا حبه فوق وحبه حت
ومحفظتي تتأكل ببطء شديد
وكنت مرتاح كنت
الإسبوع اللي فات
طمر علي إبليس مدري أنا اللي طمرت عليه
المهم إنه وصل !!
وقال/ أبوسعد يوم العرب تطريك
قلت / الله الله
قال/ يابوسعد أنت رجال لك وزنك وقيمتك
ومحفظتك تفشل مافيها غير مبلغ فطسه ؟
قلت له/ أنا بابا قال لي لا تدعم المحفظه!
قال / يابوسعد والله لو يدرون أعضاء المنتدى عن محفظتك إنك لتطيح من عيونهم
قلت له/ وش فيها محفظتي ؟
قال / يابوسعد هذي محفظة عجوزن طايحه:ksjdf1385968616_273
قلت له/ العجوز أنت :hawamer5712
قال / تعال يابوسعد معي !
قلت / وين بتوديني ؟
قال / أمش
قلت / طيب:hawamer3312
وأدخلني على موضوع أمحق
لعضو أمحق
وقال/ ناظر ناظر خسائر الأعضاء يابو سعد
وقس عليها موجودات محافظهم ! رجال ماتهاب
قلت / صادق انت! بس عهدي مع بابا
قال/ يارجال أنت ربي موسع عليك إدعمها
وليلة إرمضان بع وإرجع لبابا:dc78ui1385968616_70
لا أخفيكم بإن إبليس لم يتعب معي
ولم أخذ في يده إلا دقائق
وذهبت للبنك وسحبت مبلغ محترم وأودعته
في حساب الأهلي ثم حولته للمحفظه
وشعرت حينها بضيقه
و تغلبت على هذه الضيقه بإن وضعت
لنفسي رقم محدد إن نزلت
له أبيع فوراً
وحلفت على هذا (بالطلاق وبالثلاثه):vfvb51385968616_183
بدأنا المعارك الأسبوع الماضي
وكسبت قليلا ثم خسرت قليلاً
ثم كسبت كثيراً ثم طمعت كثيراً
ثم أغلق تداول الخميس علي بخساره بسيطه
اليوم
ضاربت في السوق السعودي مضاربه شوارع
وكنت ثوراً هائجاً
وأغلق السوق وأنا لا أعلم أنه أغلق
ثم نظرت للرصيد وأصابتني فاجعه
ووجدت رصيدي مرتفع عن نقطة وقف
الخساره الي وضعتها لنفسي
( ريالين و 9 هلالات)
وضعت راسي على يدي مدري يدي على راسي مفجوعاً
وعلى دخلت إبليس :fvol8i1385968616_92 الساعه 3 وعشر ..
قال/ أبو سعد يوم العرب تطريك
قلت / الله لا يحيك :hawamer5712 انت لك وجه تجي؟
قال/ وش فيك خساره بسيطه بكره تعوضها !
قلت له / يا نكبت النكبات أنا مطلق أني أبيع
انا وصلت ل ...
قال/ يارجال باقي ريالين وإفرض إنك نزلت
تصدق عن حلفك لعشرة مساكين
قلت له/ أعوذ بالله منك ومن شرك هذي الزوجه الثالثه إن راحت والله ماحدن مزوجني
قال/ يابو سعد ماهيب رايحه وإن راحت أبشر بالعوض
قلت / وش العوض منك ! بتزوجني شيعيه !
قال/ والله يابوسعد إن بناتهم مزاين وإنك لتسترجع شبابك :dcdctgh1385968616_7
قلت له / وإذا جاني أبو عمامه وقال الليله موعدي لتمتع عندكم ! وش الدبره أقدمها له ولا أقدمك أنت ؟:sd7yu1385968616_578
قال / إرفع علومك يابوسعد ! ولا تبيع أسهمك
قلت/ علي بالطلاق إن كسر السوق الريالين
إني لابيع
قال/ علي بالطلاق ماتبيع ؟ أنت مهبول تبيع وتجلس تنتظر فلوسك ما تنزل لك إلا
الخميس
قلت/ إيه والله وممكن ماتنزل إلا الأحد
قال/ إبلع العافيه يابوسعد ورح كفر عن يمينك وبتزين الأمور
قلت/بس أنا مطلق .. ومعاهد بابا !!:hawamer3312
قال/ أترك الضعافه يابو سعد وبابا ماراح يدري
ولا يهمونك النسوان
قلت/ والله ياشوشو ماعاد تقبل فيني مسلمه بعد ثلاثه حريم
قال/ إن رفضوك المسلمات
عندي نصرانيات ويهوديات وبوذيات جمالهن
يطلق الوجه والطلاق مايقع عليهن
الله يقلعك يا إبليس
ويقلع الأسهم ...
ويقلعني يوم طلقت !
أأأأأأأأه
راسي بينفجر
إن بعنا قهر
وإن صبرنا فقر
from هوامير البورصة السعودية - منتدى الأسهم السعودية http://j.mp/2r6qsgT
via
الاسهم السعوديه
